Um okkur

Ég heiti Anna Francesca og er stoltur eigandi True Bliss ræktunar.

Ég eignaðist minn fyrsta hund sex ára gömul og var það Labrador Retriever tíkin Vöku Lara en hún lést níu ára gömul. Nokkur ár liðu þangað til ég og móðir mín fengum sér annan hund enda var sorgin mikil við að missa Löru.
Árið 1999 eignuðumst við Leiru Þórshamar Týra sem er Íslenskur fjárhundur.

Móðir minni hafði í mörg ár dreymt um að eignast hunda af tegundinni Siberian Husky en hundar af þeirri tegund voru ekki til á Íslandi þá. Eftir langa leit að hinum rétta ræktanda héldum við mæðgur til Ítalíu. Þar höfðum við komist í samband við Paolu Tomei, eiganda Ankalyn ræktunar og stuttu síðar komu tvær tíkur til landsins og rakki ári síðar.

Eftir að við mæðgur fengum Siberian Husky hundana jókst áhugi minn á útivist og finnst mér fátt eins skemmtilegt að festa hundana við sleðann og þeysast af stað.

Ég keppti sem ungur sýnandi í nokkur ár með góðum árangri og varð ég stigahæsti ungi sýnandi ársins árin 2003 og 2004 og keppti fyrir Íslands hönd á Crufts 2004 og 2005. Ég sat svo í stjórn Unglingadeildar Hundaræktarfélags Íslands eftir að ferli mínum sem ungum sýnanda lauk. Mér hefur hlotnast sá heiður að vera beðin um að dæma keppni ungra sýnenda í öðrum löndum og hef virkilega haft gaman af.

Árið 2007 flutti ég til Svíþjóðar, kynntist þar yndislegu fólki og öðlaðist mikla lífsreynslu.

Ég kynntist tegundinni Flatcoated Retriever og féll fyrir þeirri yndislegu tegund. Nokkrum mánuðum síðar bættust tvær yndislegar Flatcoated Retriever tíkur í hundahópinn frá heimsþekktu ræktuninni Almanza.

Í dag er ég flutt aftur heim til Íslands ásamt hundunum mínum, starfa sem verslunarstjóri í apóteki og er formaður Schäferdeildar Hundaræktarfélags Íslands. Einnig er ég í ritnefnd Sáms, hundablaði Hundaræktarfélags Íslands.

Það má segja að áhugi minn á hundum er ekki bara áhugamál heldur lífstíll.

Ég eignaðist mitt eigið ræktunarnafn árið 2010 og fæddist sama ár fyrsta gotið undir ræktunarnafninu True Bliss.

Ég hlakka til framtíðar og nýti mér þessa heimasíðu til að kynna mig og hundana mína.

Takk fyrir að heimsækja heimasíðuna og ég vona að þið skiljið eftir kveðju í gestabókinni.